Flata niðurfellingu hluta höfuðstóls strax

Lántakandi sem borgar núna 160.000 á mánuði af erlenda húsnæðisláninu sínu en væri að borga 220.000 ef hann væri ekki búinn að semja við bankann sinn héldi áfram að borga 160.000 þó hann fengi 20% höfuðstóls felldan niður.

Bankinn fær því „sama“ pening í hverjum mánuði næstu 20-30 árin.  Eign lántakandans í húsinu eykst og staða hans verður mun eðlilegri.  Þetta yrði til þess að hreyfing kæmist á fasteignamarkaðinn sem síðan hefði jákvæð áhrif á allt atvinnulíf í landinu.

Hverjir tapa á þessu?  Ekki bankarnir, fleiri sjá tilgang í því að borga af lánunum sínum, færri þurfa aðstoð og færri fara á hausinn eða gefast upp.  Ríkið græðir því velta í þjóðfélaginu eykst og fjárfestingar fara af stað.  Flata niðurfellingu með þaki strax.